Miarritze, Heineken Kopako finalerdietara

Heineken Kopako finalerdietara sailkatu da gaur Miarritze, Donostian Anoeta estadioan Ospresys Galesko taldeari final-laurdenetan 29-28 irabazita.

Europako txapelketa nagusiko finalerdietan ere Anoetan ariko da Miarritze; Munster edo Northampton hartuko du -biok gaur 18:30ean hasiko dute partida-. Leinsterrek atzo eskuratu zuen sailkapena, berak ere Clermonti 29-28 irabazita. Bihar izango da azken final-laurdena: Tolosa-Stade (17:30).

Lapurdiko taldeak 2006an ere jokatu zuen Donostian Heineken Kopako finalerdia, eta finalera iritsi zen, Anoetan Saleri eta Bathi irabazi ondoren.

Denera zortzi alditan aldiz jokatu du Anoetan eta denetan atera da garaile, 2007an Northamptonen aurka izan ezik. Orain dela bi aste Frantziako Ligako partida jokatu zuen: 26-10 hartu zuen mendean Tolosa.