Munduko Kopako hirugarrena, gaur, Belgikan

ZIKLO-KROSA. Ziklo-kroseko Munduko Kopako hirugarren proba jokatuko da gaur Koksijden, Belgikan. Zdenek Stybar txekiarra da faboritoa, aurreko bi probak berak irabazi baititu. Arabako Ziklo-kros Txapelketa ere jokatuko da gaur Ametzagan, eta bertan Javier Ruiz de Larrinaga da faborito argia. Hirugarren garaipena luke jarraian txapelketan. 2.400 metro dauzka zirkuituak, eta oso lokaztuta egongo da.