Iker Muniain (Iruñea, 16 urte) Athleticeko aurrelariak Espainiako 17 urtez azpiko selekzioaren deia jaso du gaur Nigeriako Mundu Txapelketara joateko eta, hori dela medio, zortzi partidatan gera daiteke Athleticekin jokatu barik -Espainiak finalera iritsi beharko luke horretarako-. Urriaren 22an hasiko da Mundiala; bukatu, azaroaren 15ean.
Zortzi partida horietatik lau Espainiako Ligakoak lirateke (Sporting, Getafe, Atletico Madril eta Racingen aurkakoak), bi Kopakoak (final-hamaseirenetakoak) eta beste bi Europako Ligakoak (Nacional Madeiraren kontrakoak).
Gaztetxoa izan arren, denboraldi honetako hamalau partida ofizialetatik 11tan aritu da Muniain Athleticekin, eta hiru gol sartu ditu (bi Europako Ligan eta bat Espainiakoan).
futbola
Muniain Athleticekin zortzi partida jokatu barik geratu daiteke 17 urtez azpiko Mundialagatik
Iruzkinak
Ez dago iruzkinik
Ordenatu
