Murgoitiok bigarren garaipena nahi du, Laudion

ZIKLO-KROSA. Espainiako Superprestigioko bigarren proba egingo dute gaur, Laudion (Araba). Estreinakoan, Egoitz Murgoitio (Hirumet) bizkaitarra nagusitu zen, eta gaur ere bera da irabazteko faborito nagusia. Javier Ruiz de Larrinaga (Spiuk) izango da haren aurkari nagusia. Lasterketa 12:30ean hasiko da, Ellakuriko landetan, eta lokatza izango da zirkuitu osoan zehar.