Musli eta Cabezas Baskoniatik gertu daude

SASKIBALOIA. Ezustekorik ezean, Dejan Muslik eta Carlos Cabezasek Baskonian jokatuko dute. Pibot serbiarra taldearekin entrenatzen aritu da azken egunetan, eta teknikariak oso pozik daude eman duen itxurarekin. Hala, bost urterako kontratua eskaini diote. Aurretik, baina, FMP Zeleznik taldearekin ados jarri beharko dute. Joko antolatzaile espainiarra, berriz, libre dago, eta aurki sinatu dezake.