Nadal eroso irabazten hasi da Wimbledonen

Rafa Nadalek, gizonezkoen lehen zerrendaburuak eta iazko txapeldunak, ondo ekin zion atzo aurtengo Wimbledongo torneoari. Kataluniarrak bi ordu baino gutxiago behar izan zituen Michael Rusell estatubatuarrari irabazteko: 6-4, 6-4 eta 6-2.

Eguneko beste berri interesgarri bat Venus Williams izan zen; emakumezkoen torneoa bost aldiz irabazitakoa da —azkenekoz 2008an—, eta hainbat lesioen ondorioz sei hilabetez jokatu gabe egon ondoren pistetara itzuli berri da. Willliams ahizpen artean zaharrenak 6-3 eta 6-1 irabazi zion Akgul Amanmuradova uzbekistandarrari. Atzoko partida asko bertan behera gelditu ziren euriarengatik, eta bukatu zirenen artean ez zen ustekaberik egon.