Olaizola II.ak etzi jokatuko du, Burgosen

ESKU-HUSKA. Finalaren atzerapenak izan du eraginik, Asegarcek aldaketa egin baititu etzi Burgosen egin beharreko jaialdian (17:45, Nitro). Aimar Olaizola ariko da Jon Ander Albisurekin, eta ez Pablo Berasaluze. Kontrarioen artean ere bada aldaketarik, Oinatz Bengoetxeak hartuko baitu Titin III.aren tokia. Patxi Ruiz izango du bikotekide. Binakako partida horren aurretik Asier Olaizola eta Iker Arretxe ariko dira San Fermin torneoko final-zortzirenetan.