Nekez ahaztuko du Omar Frailek (Astana) azken hiru asteetan bizitakoa. Hilaren 6an, Euskal Herriko Itzuliko bosgarren etapa irabazi zuen Eibarren. Gaur, berriz, Erromandiako Itzuliko lehen etapan gailendu da. Beraz, bi garaipen daramatza jada denboraldi honetan txirrindulari santurtziarrak, eta biak World Tourreko probatan lortu ditu. Iaz Italiako Giroko 11. etapan irabazitakoa gehituta, hiru dauzka jada garaipen zerrendan. Pixkana-pixkana sekulako palmaresa ari da osatzen. Eta 27 urte besterik ez dauzka.
Gaur berriro agerian utzi du txirrindulari oso azkarra dela. Erasoa jo du azken metroetan, eta nagusitasunez irabazi du. Sonny Colbrelli (Bahrain) eta Rui Costa (UAE) sailkatu dira haren atzetik. Sailkapen nagusian, berriz, Primoz Roglic (Lotto-Jumbo) da lider berria, eta Gorka Izagirre (Bahrain) da lehen euskal herritarra, seigarren postuan, zortzi segundora.
TXIRRINDULARITZA
Omar Frailek irabazi du Erromandiako Itzuliko lehen etapa
Astanako txirrindulari santurtziarrak sasoiko bigarren garaipena du; Euskal Herriko Itzulian lortu zuen lehena.
Iruzkinak
Ez dago iruzkinik
Ordenatu
