Rioko Olinpiar Jokoetako bigarren domina eskuratu du bart Usain Bolt atleta jamaikarrak, 200 metroko proban nagusitu eta gero. Hirugarren aldia da Boltek distantzia horretan Jokoetan urrea irabazten duela, hala egin baitzuen Pekinen 2008an eta Londresen 2012an ere. Berria Telebista Orkatz Beitia atleta ondarroarrarekin izan da, eta hark aztertu du Boltek 200 metroko proban eginikoa.
Eguneko bideokronika Imanol Magro Eizmendi kazetariaren eskutik dator; estadio olinpiarraren inguruetako birsalmenta du hizpide.
