Unerik txarrenean sartu da Osasuna jaitsiera postuetan. Bost jardunaldi falta dira Espainiako Lehen Mailako futbol txapelketa amaitzeko, eta Iruñeko taldea azken hiru postuetan da atzoz geroztik. Zaragozak 1-0 irabazi zion Almeriari, eta azken asteetako emaitza bolada txarrak arriskuan jarri du Osasuna.
Almeriak 26 puntu ditu eta oraindik matematikoki ez bada ere, datorren denboraldian Bigarren Mailan jokatuko du. Jaisteko beste bi txartelak zortzi talderen artean banatuko dituzte; horien artean dago Reala ere. Donostiako taldeak 38 puntu ditu, Osasunak baino hiru gehiago.
Sailkapena:
12Reala 38
13 Deportivo 38
14 Getafe 37
15 Racing 37
16 Malaga 36
17 Zaragoza 36
*18Osasuna 35
*19 Hercules 33
*20 Almeria 26
(*) Bigarren Mailara
