Espainiako Kopari adio esan dio Osasunak, jipoia hartuta Racingen aurkako final-laurdenean, 5-1 galdu duelako orotara: gaur 0-3 Iruñean, joanekoan 2-1 Santanderren (Espainia).
Xiscok sartu du gaurko lehen gola -6. minutuan-, Enriquek bigarrena -23.ean-, Canalesek hirugarrena -78.ean-.
Racingek finalerdietan Celta-Atletico Madril kanporaketako garailea izango du aurkari. Bi taldeok bana egin zuten joanekoan, eta bihar ariko dira berriro.
Gaur Iruñeko partida harmailetatik ikusteko sarrera ordaindu egin behar izan dute Osasunako bazkideek ere. Bildutako diru guztia Gurutze Gorriaren bitartez Haitiko lurrikaran kaltetutakoei igorriko die klubak.
Kopako aste honetako beste bi partidak: gaur 22:00etan Sevilla-Deportivo (3-0 irabazle joanekoan Sevilla) eta bihar Getafe-Mallorca (2-1 nagusi aurrekoan Getafe).
futbola
Osasuna Kopatik kanpo geratu da, erraz
0-3 galdu du gaur Racingen aurka, final-laurdenetako itzulikoan. Joanekoan, berriz, 2-1.
Iruzkinak
Ez dago iruzkinik
Ordenatu
