Osasuna 2-0 aurreratu da markagailuan, baina horrek ez dio batere lasaitasunik eman. Izan ere, Alavesek asko estutu du taldea. Ruben Garciak sartu du aurreneko gola, eta Chimy Avilak bigarrena, arearen kanpotik egindako jaurtiketarekin.
Pare bat minutu iraun dio lasaitasunak Osasunari, Laguardiak Alavesen aurrena sartu baitu orduan.
Aurreneko penaltia lehen zatiaren bukaeran izan da. VARaren laguntzarekin erabaki dute Duartek eskuarekin jo duela baloia. Roberto Torresek jaurti du, eta barrura.
Penaltiz izan dira azken bi golak ere, biak bost minuturen barruan. 51. minutuan izan da bat, Alavesen aldekoa. Nacho Vidalek sarrera bortitza egin dio Ponsi, bi hankekin. Lucas Perezek jaurti du, eta sareetara joan da. Estu jarri da markagailua 3-2koarekin, baina ez da denbora askorako izan.
53. minutuan Osasunaren aldeko penaltia izan da, Manu Garciak baloia eskuarekin jo baitu. Juan Villarrek jaurti du 55. minutuan, eta berriz arnasa hartu dute gorritxoak, 4-2 aurretik jarrita.
