Osasunak jaitsiera postuetatik kanpo egingo du lo jardunaldiko beste emaitzen zain. Gorritxoek asko sufrituta eta hiru puntuak merezi gabe irabazi diote Rayo Vallecanori Kike Solak 7. minutuan sarturiko gol ikusgarriari esker. Kanpokoek erritmo bizia jarri diote jokoari eta Osasuna deseroso aritu da, partida trabatu ezinik. Hala ere, aukera onenak etxekoek izan dituzte, argiena bigarren zatian, Cabeño atezainak Sola eta Armenterosen jaurtiketak jarrian gelditu dituenean (75. min).
Iruñeko taldeak ez du partidarik galdu azken lau jardunaldietan eta badirudi apurka bidea zuzentzen ari dela. Gaurko partidan nabarmentzekoa Oierrek eta Loek euskarri bikoitzean eginiko lana, eta euren aurretik Sisi, Armenteros eta Cejudo erdilari hirukotearen presioa.
