Osasunak pauso handia eman du gaur gauean Espainiako Kopan, final-zortzirenetan Hercules Bigarren A Mailako liderra kanporatu eta finalerako bidea nahikoa samurra jarri zaiolako teorian. 1-0 irabazi dio Herculesi, Masoudek 48. minutuan sartutako golari esker. Han 2-1 galdu zuen joanekoan. Beraz, kanpoan egindako golagatik egin du aurrera Osasunak.
Final-laurdenetan Racing Lehen Mailako taldearen aurka jokatuko du, honek gaur Alcorcon (Bigarren B Maila) kanpoan utzi ostean. Hutsean bukatu dute gaur; joanekoan, 2-3 nagusi Racing. Osasunak finalerdietan Celta (Bigarren A Maila)-Recreativo (Bigarren A Maila) edo Atletico Madril (Lehen Maila) lehiako garailearen aurka jokatuko luke. Joanekoan 3-0 irabazi zuen Recreativok, eta itzulikoa bihar izango dute.
Final-laurdenetako partidak urtarrilaren 20an eta 27an jokatuko dituzte, finalerdietakoak otsailaren 3an eta 10ean, eta finala maiatzaren 23an edo 26an (Madrilen, Santiago Bernabeu zelaian).
futbola
