Ezuste handirik ezean, Osasuna gaur UEFAko finalerdietara sailkatuko da. Bayer Leverkusen hartuko du Iruñean (20:45, Espainiako Canal Plus), hiru goleko aldearekin hartu ere, joanekoan 0-3 irabazi zuelako. "Orain bai, faboritoak gara eta ezin dugu hutsik egin", esan du Jose Angel Ziganda Osasunako entrenatzaileak. Michael Skibbe Bayer Leverkuseneko entrenatzaileak, berriz: "Aurrera egiteko batere aukerarik ez dugu une honetan".
Osasuna finalderdietara sailkatuko balitz, Sevilla edo Tottenham izango luke kontrario. Joanekoan 2-1 irabazi zuen Sevillak. Beste finalerdian, Espanyol-Benfica (3-2 joanekoan) eta AZ Alkmaar-Werder Bremen (0-0) kanporaketako garaileak ariko dira.
Hain zuzen, apirilaren 20an eta maiatzaren 3an jokatuko dira UEFAko finalerdiak. Finala, maiatzaren 16an, Glasgown (Eskozia).
Futbola
Osasunaren aukera paregabea gaur
Eskura dauka UEFAko finalerdietara sailkatzeko txartela, joanekoan 0-3 irabazi zuelako Bayer Leverkusesen etxean.
Iruzkinak
Ez dago iruzkinik
Ordenatu
