Pandianik ez du sukarrik, baina lesioa du izterrean

OSASUNA. Ez du zorterik lesioekin Walter Pandianik. Aurrelari uruguaitarra ez da entrenatu, aste hasieratik sukarrak jota baitzegoen. Bazirudien gaur arazorik gabe entrenatzeko moduan egongo zela, baina sukarra sendatu eta min hartu du eskuin izterrean. Azterketa medikuen arabera, hamar egun beharko ditu osatzeko.