Pandianiren azken lehiak izan daitezke Iruñean

OSASUNA. Walter Pandiani Osasunatik urruntzen ari dela esan daiteke. Uruguaitarrak kontratua berritzeko aukera bat bazeukan: denboraldi guztian gutxienez hogei partidatan 45 minutu jokatzea. Liga amaitzeko zazpi partida falta dira, eta bide horretatik kontratua berritzeko aukerarik gabe geratu da aurrelaria. Ez dirudi, gainera, Osasunak kontratua berritzeko asmorik duenik.