Parma eta Besiktas, Athleticen etsairik gogorrenak

Gaur eguerdian Nyonen (Suitza) egin da Uefa txapelketako zozketa, Uefak hiri honetan duen egoitzan, eta Parma, Besiktas, Bukarestko Steaua eta Liejako Standard taldeak izango dituzte arerio bilbotarrek. Hauek izango dira Uefa txapelketako B multzoan elkar lehiatuko diren taldeak, urriaren 21etik aurrera. Lehenengo partida etxean jokatuko du Athleticek Parma talde italiarraren aurka egun horretan. Lehen fase hau abenduaren 16an amaituko da.