Erraz gailendu da gaur Reala Anoetan. 5-0 nagusitu zaio Gironari.
Hasieratik agertu dira indartsu zuri-urdinak, eta 11. minutuan sartu du aurreneko gola Canalesek. 35. minutuan sartu du bigarren gola Januzajek. Donostiako taldearen nagusitasun handiarekin amaitu da partidaren lehen zatia.
Bigarren zatian errematatu dute aurretik egindako lana, eta hiru gol sartu dituzte. 71. minutuan sartu du hirugarrena Oiarzabalek, eta hark sartu du laugarrena ere, 85. minutuan. Bosgarrena eta azkena Juanmik sartu du, 88. minutuan.
