Gehiegi sufritu gabe nagusitu zaio Reala Eibarri, talde gipuzkoarren arteko derbian. Donostiarrek gola egiteko ahala erakutsi dute beste behin eta 3-1 irabazi dio Eibarri. Talde armaginak ez du punturik eskuratu gaurko partidan ere, eta jeitsiera postuen atarian gelditu da.
Errealak egin du partidako lehen gola William Joseren eskutik, 12. minutuan, eta aldea handitu du Januzajek 27.ean. Bigarren zatia hasi bezain laster (46. minunutan) 3 eta 0ekoa egin du Oiartzabalek, eta Realak gol sorta handitu zezakeela zirudien. Jordanek Eibarren lehen gola egin du, ordea, 71. minutuan eta talde armaginak Reala estutzea lortu du aldeak murriztu dituenean. Armaginek gola egiteko aukerak izan dituzten arren, Realak partida ondo ixten jakin du amaieran.
