Etapa bikaina borobildu du Primoz Roglicek (L. Jumbo). Mendiko etapa izan da, eta azken mendatean, Galibierren, utzi ditu atzean ihesaldian bere kide zirenak: Alberto Contador (Trek), Serge Pawels (Dimension) , Darwin Atapuma (UAE) eta Mathias Frank (Ag2r). Roglic aldapa behera oso azkar ibili da. Atzeko taldean zetozenek hamabost segundo inguru bakarrik jan dizkiote hogeita zazpi kilometroko beheranzkoan.
Nahiz eta denbora tarte ikaragarririk izan ez, aldaketa esanguratsuak izan dira sailkapen nagusian. Aruk ez du nagusiko beste faboritoen erritmoa jarraitzerik izan Galibierren gora. Bardeten erasoek utzi dute atzean. Berdina gertatu zaie Meintjesi (UAE), Martini (Quick) eta Yatesi (Orica) ere. Liderraren taldeak, gainera, aldeak handitu ditu aldapan behera.
Gaurko etaparen ondoren, honakoak dira nagusiko lehen hamar sailkatuak:
1- Chris Froome (Sky): 73.27.26
2- Rigoberto Uran (Cannondale): 27ra
3- Romain Bardet (Ag2r): d.b.
4- Fabio Aru (Astana): 53ra
5- Mikel Landa (Sky): 1.24ra
6- Daniel Martin (Quick): 2.37ra
7- Simon Yates (Orica): 4.07ra
8- Louis Meintjes (UAE): 6.35era
9- Alberto Contador (Trek): 7.45era
10- Warren Barguil (Sunweb): 8.52ra
