Cristiano Ronaldo Real Madrileko jokalariak golak egiten jarraitzen du. Partida hasi bezain laster, 4. minutuan egin du gola, korner jokaldi batean, buruz. Partida erabaki du Ronaldoren gol horrek, neurketako bakarra izan baita.
Hiru puntuak eskuratuta, Portugal da B multzoko buru, oraingoz. Espainiak eta Saudi Arabiak 20:00etan jokatuko duten partidak erabakiko du bigarren jardunaldiaren ostean taldeko sailkapena nola geldituko den.
Marokok, berriz, gol aukerak sortu dituen arren, ez du punturik batzea lortu, eta matematikoki Munduko Kopatik kanporatuta gelditu den lehen taldea da. Ligaxkako hirugarren partida Espainiaren aurka jokatuko du, eta horixe izango da txapelketako azken neurketa talde marokoarrarentzat.
