Carlos Sainz espainiarrak (Volkswagen taldea) irabazi du autoetan aurtengo Dakar proba, Buenos Airesen. Bere lehen garaipena du. Gaur jokatu dute azkeneko etapa, eta Nasser Al Attiyah qatartarra (Volkswagen) izan da garaile. Bigarren geratu da Sainz.
Sailkapen nagusian bi minutu eta hamabi segundo kendu dizkio bigarrenari, Attiyah-ri berari. Mark Miller estatubatuarra (Volkswagen) gelditu da hirugarren.
Motoetan Cyril Despres frantziarra (KTM taldea) izan da Dakarreko irabazlea. Hirugarren garaipena du. Gaurko etapa haren taldekide batek eskuratu du: Ruben Fariak. Despres bosgarren izan da.
Pal Ullevalseter norvegiarra (KTM)) geratu da bigarren sailkapen nagusian -ordubete pasara- eta Francisco Lopez txiletarra (Aprilia) hirugarren.
kirola
Sainz izan da Dakarren garaile autoetan, Despres motoetan
Iruzkinak
Ez dago iruzkinik
Ordenatu
