Espainiako Vuelta 2004

Sei etapa mendian amaituko dira eta bakarkako hiru erlojupeko izango ditu

Datorren urteko Espainiako Vuelta inoiz izan den itzulirik menditsuenetako bat izango da. Guztira 21 etapa izango ditu, eta horietatik sei mendian amaituko dira. Hala ere, txirrindulariek ez dituzte Pirinioetako mendi garaiak igo beharrik izango ezta Asturiako Angliru eta Covadongako Lakuetako malda gogorrak ere. Irailaren 4an hasiko da Vuelta Leonen taldekako erlojupeko batekin eta 3.023 kilometro egin ondoren Madrilen amaituko hil horretako 26an.

2003ko abenduaren 17a

16:12

Entzun 00:00:00 00:00:00

Berrikuntza nabarmenekin ekingo dio Espainiako Vueltak 2004ko ibilbideari. Hasi ere ezohiko moduan hasiko da, 28 kilometroko taldekako erlojupeko batekin. Mendian berriz, erabakiorra izan daitezkeen etapa korritu beharko dute txirrindulariek Madrilgo mendietan, azken aurreko egunean Navacerradako gainean izango baita helmuga, 1.860 metrotan. Horrez gain, Sierra Nevadako La Ragua ( 13,5 kilometroko igoera eta %7.5eko batezbesteko pendizea) eta Sierra Filabreseko Calar Alto (20 kilometroko igoera eta %7ko batezbesteko pendizea) igo beharko dituzte. Azken hau mendi garrantzitsua izan daiteke Espainiako Vueltaren historian.

Bigarren atseden egunaren ondotik ere erronka handia izango sailkapen nagusiko muturrean ibiliko diren txirrindulariek, Sierra Nevadako gainean 29 kilometroko kronoigoera egin beharko baitute.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak