Ordubete eta 46 minutu iraun ditu Williams eta Sharapovaren arteko partidak. 2002. urtean irabazi zuen lehen eta azken aldiz Williamsek titulua Roland Garrosen. Orduko horretan Venus ahizpa menderatu zuen. Gaur azken tantoa sakez egin du, pilotari 198 kilometro orduko abiadura emanda.
"Apur bat paristar sentitzen naiz", esan du munduko lehenak Frantziako Irekia irabazi ostean. "Hurrengo urtean itzuli nahi dut, denbora gehiago pasatu hemen. Maite dut Paris, zaleak", esan du partidaren amaieran.
Sharapovak ezin izan du iaz lortutako garaipena errepikatu eta zoriondu egin du Williams. Errusiarrak ere esan du hurrengo urtean itzuliko dela, txapelketa irabazteko itxaropenarekin.
