Silverstonen irabazita, lider jarri da Casey Stoner

MOTOZIKLISMOA. Euripean dotore moldatu zen Casey Stoner (Honda) herenegun, Erresuma Batuko Sari Nagusian, Silverstonen. Australiarrak erraz irabazi zuen Moto GP mailako proba, eta lider jarri da Munduko Txapelketan. Moto2 mailan, Stefan Bradlek (Kalex) irabazi zuen proba, eta 125 cc-ko mailan, Jonas Folgerrek (Aprilia). Bosgarren amaitu zuen Efren Vazquezek (Derbi).