Thomas Dekkerrek positibo eman du EPOrekin

TXIRRINDULARITZA. Thomas Dekker Silence-Lotto taldeko txirrindulari herbeheretarrak ez du Frantziako Tourrean parte hartuko, EPOrekin eman baitzuen positibo 2007ko abenduaren 24an egin zioten kontrol batean. Egun horretako analisia duela gutxi aztertu dute berriro, eta orduan atzeman dute EPOa. Dekkerren hutsunea kolpea da Silence Lottorentzat, Cadel Evansen laguntzaileetako bat izango baitzen Tourrean.