Tourrak 'Puerto auzian' nahastutakoak baztertzeko eskatu du

Tourreko antolakuntzak Puerto auzian nahastutako txirrindulariak baztertzeko eskatuko die taldeei. Christian Prudhomme zuzendariak Alemaniako Justiziak egindako ikerketa sakonak Jan Ullrichen inplikazioa argitu duela dio L'Equipe kazetan: «Tourrak ezin du baimendu Puerto auzian nahastutakoen parte-hartzea, susmo guztiak argitu arte». Prudhommen aburuz, Puerto auziko sekretu asko daude argitzeko oraindik, «UCIk eta Espainiako Kirol Erakunde Gorenak helegitea jarri dutelako».