TXIRRINDULARITZA. Aurrera doa Burgosko itzulia. Atzo hirugarren etapa egin zen, eta Bastien Tronchon (Ag2r) gailendu zen Villarcayoko helmugan. Azken metroetan, Pavel Sivakov (Ineos) baino bizkorragoa izan zen. 28 segundora iritsi zen tropela, Alejandro Valverde (Movistar) buru zuela. Sivakov da orain lasterketako burua. 23 segundoren aldea du Santiago Buitragorekin (Bahrain).
Poloniako Itzulian, txirrindulariek erlojuaren aurka neurtu zituzten indarrak atzo. Zertxobait malkartsua zen etapa, eta, azkenerako, Thymen Arensman (DSM) gailendu zen. Zazpi segundo atera zizkion Magnus Sheffieldi (Ineos). Pello Bilbao (Bahrain) bederatzigarren izan zen, 32 segundora. Ethan Hayter (Ineos) da orain lider, eta Bilbao hirugarren, 18 segundora.
Tronchon nagusi Burgosen, eta Arensman Polonian
Iruzkinak
Ez dago iruzkinik
Ordenatu
