Willian Josek 2024. urtera arte berritu du kontratua Realarekin
FUTBOLA. Willian Josek eta Realak akordioa lortu dute aurrelari brasildarrak beste bi denboraldirako berritu dezan kontratua; 2024ko ekainaren 30era arte, hain zuzen —2022an amaitzen zitzaion—. «Oso pozik nago. Urte askoan jarraitu nahi dut hemen», esan zuen aurrelariak klubari egindako adierazpenetan. Willian Jose 2016ko udan iritsi zen Donostiara, eta ordutik funtsezkoa izan da taldean. 36 gol sartu ditu, 77 partidatan. Bestalde, Joseba Zaldua eta Mikel Merino hilabete pasatxo egongo dira jokatu gabe, Valentziaren aurka min hartu baitzuten.
Iruzkinak
Ez dago iruzkinik
Ordenatu