'Xistera' aurkeztuko dute etzi Markinan, zesta-punta berpizteko kluben elkartea

PILOTA. 'Xistera' zesta-punta biziberritzeko kluben elkartea aurkeztuko dute etzi goizean, Markinako Uni pilotalekuan (11:30). Euskal Pilota Federazioak bultzaturiko elkartea da. Egitasmoaren nondik norakoak aurkeztuko dituzte, eta zestalari gazteek erakustaldia emango dute. Agertzen diren 6 eta 10 urteko umeei saskia eta pilota emango zaie jokatzen hasteko aukera izan dezaten.