Zaleen babesa Euskal Herriko Kopari

Euskal Herria Kirola egitasmoak denboraldi honetako futboleko Euskal Herriko Kopako finalen inguruko xehetasunak eman zituen atzo, Gasteizen. Euskal talde guztien zaleen babesa izan zuten aurkezpenean. Emakumeen finala abuztuaren 27an jokatuko da, Bergaran (Gipuzkoa). Bertan izango da Athletic. Aurkaria, berriz, gaur Realak eta Gasteizko Aurrerak jokatuko duten partidako irabazlea izango da. Gizonezkoena estreinakoz jokatuko da, eta Athletic eta Alaves ariko dira. Egun gutxi barru zehaztuko dute noiz eta non.