Iker Martinezek eta Xabi Fernandezek atzoko lana hobetzeko aukera zuten gaur, eta ez dute aukera alferrik galdu. 49er mailako hirugarren eta laugarren estropadetan zazpigarren eta hirugarren postuetan sailkatu dira, hurrenez hurren.
Atzo espero baina patalago hasi zuten lehiaketa eta oso atzean helmugaratu ziren lehen estropadan, hamabosgarren postuan. Bigarrengoan, berriz, hobetu aritu ziren, baina ez ziren gai izan aurrekoekin nor baino nor lehiatzeko. Seigarren amaitu zuten lasterketa. Gaur, hamargarren postutik atera dira.
Guztira, 11 lasterketa dituzte finalaren aurretik. Sailkapen orokorreko hamar lehenengoak dominak lortzeko borrokara igaroko dira. Orain arte Danimarka, Suedia eta Australia izan dira selekzio indartsuenak.
