Zumaiak eta Camargok eskura dute

Zumaia TKE ligan izango da hurrengo denboraldian ere. Bermeoko kanporaketa irabazi zuen atzo, eta gaur Portugaleten oker handia gertatu beharko luke mailari ez eusteko: hirugarren edo laugarren sailkatzea, eta aurrekoek alde handia ateratzea.

Zumaiak irabazi zuen, Camargoren, Meiraren eta Santurtziren aurretik. Faboritoa da eta pronostikoak bete zituen, hasieran lasai, bukaeran estu. Bigarren ziabogan, hamar segundo atera zizkion Camargori, eta hirugarrenean, zazpi; baina bukaeran, bi soilik.

Camargok eskura du TKEra igotzea. Atzo, bigarren postua lortzeaz gain, 14 segundoren aldea atera ziolako Meirari eta ia 16rena Santurtziri. Izan ere, puntuetan berdinketa gertatuz gero, denborak hartuko dira aintzat. Eta alde hori handia da erlojuaren kontra estropada batean.

Sailkapena

IGOERA KANPORAKETA (1)

1. Zumaia 20.41,78 4 puntu.

2. Camargo 20.43,82 3 pt.

3. Meira 20.57,98 2 pt.

4. Santurtzi 20.59,78 1 pt.