Bilbotarren egunerokotasunaren nondik norakoak ezkerreko ikuspuntu batetik jorratzeko konpromisoa berretsita, auzoak, hiritarrak eta herri mugimenduak izango dira aurrerantzean Bilboko Branka-ren jardunaren ardatz.
Branka agerkari digitaleraberrituaren erronka nagusia izango da Bilboko gertakarien bozgorailu eta aniztasunaren erakusleiho izatea. Horretarako, auzoetako hainbat eragileren blogek txoko berezia izango dute webgunean.
Diseinua berrituko du agerkariak. Hasierako orrian, Brankaren zerbitzu guztien berri emango dute. Sare sozialetara jotzeko ikonoak eta bilatzailea aurkitu ahalko dira orrialdearen eskubiko partean. Ezkerraldean, berriz, eguneko bi albiste garrantzitsuenak tamaina handiago batean. Halaber, hainbat zerbitzu eskainiko dituzte: Branka Telebista, Auzoak, Argazki galeriak, Agenda eta egutegia. Hasierako orrialdearen behealdean Sakonean atala izango da, elkarrizketa, erreportaje eta iritziekin.
Gaur aurkeztuko du Branka-k bere irudi berria. Ekitaldia Bilboko Kalderapekon egingo dute, 20:00etan.
Komunikazioa
'Bilboko Branka' komunikazio egitasmoak irudi berria gaur aurkeztuko du
Webgunean, auzoko blogek txoko berezia izango dute, eta multimedia euskarri gehiago sortuko dituzte
Iruzkinak
Ez dago iruzkinik
Ordenatu
