Egunotan, aurrez grabatutako saioak ari dira ematen Hamaika Telebistan. Abuztuan, berriz, Donostiako eta Bilboko festek presentzia nabarmena izango dute kate horretan. Abuztuaren 11tik 18ra egunero Donostiako Aste Nagusiaren inguruko ordubeteko programa egingo dute 21:00etatik 22:00etara. Ez da platorik izango. Eguneko elkarrizketa, erreportaje bat, kaleko giroa eta inkestak izango dira saioan. Sagueseko kontzertuak eta piratek antolatutakoak agertuko dira. Abuztuaren 13an abordatzeari buruzko saio berezia egingo dute.
Abuztuaren 18an Bilboko Aste Nagusiari hasiera emango dion txupinazioa emango dute. Eta ondoren, 19tik 26ra jaien inguruko saioa egingo dute 21:00etan.
Komunikazioa
Donostiako eta Bilboko jaiak Hamaikan
Abuztuaren 11tik 18ra Donostiako Aste Nagusiari eskainitako ordubeteko saioa egingo dute gauero
Iruzkinak
Ez dago iruzkinik
Ordenatu
