Neska-mutikoentzako telesail bat estreinatuko dute astelehenean ETB3 katean eta EITB Podkast atarian: Ipuin txiki, soinu handi —jatorrizko izenburua Cuentazos con efectazos da, Kolonbiakoa da, eta Kidscreen saria jaso zuen iaz—. Saioko aita-semeek ipuin laburrak kontatuko dituzte, eta kontakizunok 3 eta 6 urte bitarteko haurrek bizi dituzten transformazio fisiko, mental eta sozialak izango dituzte hizpide. Aita-semeak pertsonaia nagusiak dira, eta bitartean ahotsak eta soinu efektuak jartzen dizkiete istorioei. ETB3k astelehenetik ostiralera emango du programa, 20:30ean; podcast formatuan, atal bat entzungai izango da egunero.
Gehienetan, aitak kontatuko ditu istorioak;,eta semeak pertsonaia askoren ahotsak eta ingurumeneko soinuak sortuko ditu. Gainera, istorio bakoitza ilustrazio bizidunez osatuta dago, eta unibertso propioa du, kolorez eta musikaz betea.
ETB3k 'Ipuin txiki, soinu handi' saioa estreinatuko du astelehenean
Iruzkinak
Ez dago iruzkinik
Ordenatu
