Espainiako telebista publikoarentzat Euskal Herrian egiten du lan Gaizka Villate kazetari beteranoak. Salatu duenez, zuzenean lan egitea debekatu dio TVEko zuzendaritzak. Uztailaren 10ean, ETAk hildako Miguel Angel Blanco PPko kidearen omenaldiaren berri eman zuen Villatek, TVEko Telediario saioan. Ekitaldian Bilduk parte hartu zuela nabarmendu zuen kazetariak. Espainiako ikusleentzat zuzenean aritzeko debekua horregatik ezarri diotela salatu du Villatek.
Lurralde Zentroen zuzendari Juan Carlos Roldanek argudiatu du debekuaren arrazoia ez dela ideologikoa izan, baizik eta Villateren janzkera «desegokia». TVEko Albistegien Batzordeak sostengua eman dio kazetariari, eta «betoa» salatu du.
Gaizka Villate kazetariak salatu du TVEk zentsuratu egin duela
Iruzkinak
Ez dago iruzkinik
Ordenatu
