Aralarko Ttantta misterio jolasa

Aralarko Ttantta misterio jolas bat da, talde lanaren bidez aurkezten den kasua argitzea helburu duena. Horretarako, jokalariek ondo aztertu beharko dituzte eskura izango dituzten dokumentu edo arrastoak, frogak lagungarri izango baitira pertsonaien koartadak topatzeko eta benetako hiltzailea nor den asmatzeko.

Hezkuntza komunitateko kidea bazara, kontuan hartu ikasegoera batzuk ere prestatu direla material hau ikasgeletan baliatzeko, Derrigorrezko Bigarren Hezkuntzako lau mailetara egokituta (ikasgai eta beharren arabera). Jolasarekin batera beste dokumentu horiek ere eskuratu nahi badituzu, idatzi denda@berria.eus helbidera, eta adierazi aukeran dauden lau egoeretatik zein behar duzun.