56 ibilbide xendazaleentzat

Liburu honetan Mikel Arrizabalagak Euskal Herrian zehar eramango gaitu paraje ederretan barrena, xendazaleen neurriko 56 ibilbiderekin. Orrialdeotan zain ditugu itsasaldeko talaiarik ederrenak, oihan sarriak, ibaiak eta aintzirak, ur-jauziak eta padurak, mendiak eta haitzarteak, gazteluak, ermitak eta megalitoak. Alegia, gure herria goitik behera ibiltzeko eta ezagutzeko desnibel gutxiko ibilbide ez oso luzeak proposatzen dizkigu, Euskal Herriko eskualde guztietan zehar.