Udalbiltzaren Geuretik Sortuak ekimenaren baitan Zelako Kultur Ideak sortutako obra da Izeba Txirrita antzezlana. 1936ko altxamendu frankistan abiatutako bidaia bat proposatzen dute, eta memoria kolektiborako ariketa bat egin nahi izan dute lanaren bidez. Etxe aldaketa baten erdian, zoriak bi nerabe eta haien izeba zaharra elkartuko ditu familiaren etxe zaharrean.

 

Inoiz entzun ez dituzten pasadizoen berri izango dute nerabeek, eta, hasieran jaramon handirik egingo ez badiote ere, azkenean ohartuko dira iraganeko istorio horiek oraindik ere bizirik daudela. Kutxaz kutxa, izebaren bizitzarekin lotutako sekretuz betetako altxorrekin eta pasadizoekin egingo dute topo.

 

Urtarrilaren 16an estreinatuko da antzezlana, baina BERRIAlagunek aukera izango dute aurretiaz antzezlanaz gozatzeko: urtarrilaren 14an, 18:00etan, Astigarragan. Esperientzian parte hartu nahi izanez gero, 4 euro ordaindu beharko dira, bertaratzea bermatze aldera.

 

Zuzendaria: Olatz Gorrotxategi

Gidoilaria: Xabi Paya

Antzezleak: Miren Gojenola, Irene Hernando eta Gontzal Royuela

Jantzitegia: Jokin: Arregarai

Eszenografia: Atx diseinua

Irudia: Unai Gaztelumendi

Musika originala: Jagoba Ormaetxea eta Maria Rivero