Azken asteotan Napardeath filma zatika eman du BERRIAren webguneak. Bihar argitaratuko da 15. atala, azkena. Eta, bihartik aurrera, filma oso-osorik ikusi ahalko da.
Urtarrilaren 13an hasita, egunero eman du bizpahiru minutuko atal bat BERRIAk. Gaurkoan, 14. atala estreinatu dute: 'Amaiur'. Hemen, orain arteko guztiak.
Napardeath pelikula Ataun of the Dead trilogiaren hirugarren zatia da. Katihotsak Logia kultur elkarteak egin ditu hiru filmak, auzolanean, eta zuzendariak Beñat Iturrioz eta Xabier Padin dira. Aurreneko bi zatiak —Ataun of the Dead eta Joxean's hil eben— Youtuben daude ikusgai.
