Aurtengo jaialdian Gipuzkoan filmatu eta ekoitzitako bi lan izango dira. Alardearen ingurukoaz gain, Josean Gil Munarrizen El método Arrieta izango da ikusgai. Gil Munarrizek mugikortasun arazoak dituzten bi ahizpak begiekin komunikatzeko duten gaitasuna jaso du. Juan Dopicoren Agronautas filma ere emango dute, sareko ekologismoaren ingurukoa.
Apirilaren 19an hasi eta 26an amaituko da zinema jaialdia. 11. aldia izango da aurtengoa. Paskaljevicen film batek jaialdia inauguratzen duen bigarren aldia izango da; izan ere, 2010ean Honeymoons filmak inauguratu zuen. Ekitaldi hartan, Zinemaldiaren Saria jaso zuen zuzendariak giza eskubideen alde egindako ibilbide profesionala zein pertsonala saritzeko. When Day Breaks filmean holokaustoaren memoria lantzen du Paskaljevicek.
Ikusi ahal izango diren film gehiago:
Libre te quiero: Basilio Martin Patinok M-15 mugimenduaren inguruan egindako filma.
Lore: Cate Shortlandek 1945eko Alemaniari buruz filmatutakoa.
The house I live in: Eugene Jarecki zuzendariak drogen aurkako gerraz filmatutakoa.
Parada: Srdjan Dragojevicek homosexulen eskubideen inguruan egindakoa.
Le cochon de Gaza: Frantziak, Alemaniak eta Belgikak ekoitzitako Sylvain Estibalek filma.
