Arantxa Urretabizkaiaren obra aztergai Bilbo Zaharra foroan
Bihartik ekainaren 14ra arte hitzaldiak emango dituzte, eta idazlearen 'Zergatik panpox' liburua irakurriko dute
Arantxa Urretabizkaiaren obra aztertuko dute Bilbo Zaharra foroaren hamabigarren aldian. Hiru hitzaldi eta irakurketa bat programatu dituzte, bihar hasi eta ekainaren 14ra bitartean. Bihar, Ana Urkiza mintzatuko da; ekainaren 7an, Gema Lasarteren txanda izango da, eta 13an, Josune Muñozena. Azken egunean, berriz, Klasikoen Irakurraldiaren bosgarren aldian, Urretabizkaiak 1979an idatzitako Zergatik panpox eleberriaren irakurraldi etenik gabea egingo dute, 08:00etatik 20:00etara. Arriaga antzokian izango da, eta 400 pertsonak parte hartuko dute. Hitzaldiak, berriz, Euskaltzaindiaren egoitzan izango dira, Bilboko Plaza Barrian, 19:00etan hasita. Foroaren helburua euskal kulturaren auzi eta kezkak plazaratzea da.
Iruzkinak
Ez dago iruzkinik
Ordenatu
