Ben Affleckek zuzendutako Argo filmak irabazi du bart gauean film onenaren Oscar saria. Hura eta Life of Pi izan dira bart gaueko irabazle nagusiak, Ang Lee zinemagilearen filmak lau sari irabazi baititu. Hain justu, Leerentzat izan da zuzendari onenaren Oscar saria. Argo, ordea, hiru aldiz saritu dute.
Jennifer Lawrencek eskuratu du emakumezko aktore onenaren saria, Silver Linings Playbook-en eginiko lanagatik. Gizonezko aktore onenaren saria, berriz, Daniel Day Lewisek irabazi du, Lincoln filmarengatik. Hamabi hautagaitza zituen Lincoln-ek, baina Steven Spielbergek zuzendutako filmak bi sari baino ez ditu eskuratu.
Gainera, Michael Hanekeren Amour filmak irabazi du ingelesez besteko film onenaren saria. Lan horretan antzeztu du Ramon Agirre euskal aktoreak.
Sari guztiak, hemen.
