Artxibo pribatu eta publikoen sarea bildu du Jaurlaritzak Dokuklik atarian

Eusko Jaurlaritzako Kultura Sailak XIII. eta XX. mendeen arteko artxibo publiko eta pribatuen sarea bildu du Dokuklik atarian. Webguneak sei milioi agiri ditu, eta horiekin lotutako bi milioi eta erdi irudi digital —ekainean hiru milioi izango dira—. Gainera, musika artxiboa abian dago, eta ikus-entzunezkoaren funtsa diseinatzen ari direla jakinarazi zuen atzo Jaurlaritzak. Erakundeek, familiek eta norbanakoek euren artxiboak utzita osatu ahal izan dituzte funtsak.