Bazkideak eta egitasmoak areagotu ditu Donostia Kulturak iragan urtean

ADMINISTRAZIOA. Iazko urtea Donostia Kulturarentzat «arrakastatsua» izan zela azaldu zuen atzo Miren Azkarate Donostiako Kultura zinegotziak. 2015ean, orotara, 90.125 bazkide bildu ditu erakundeak, 2014an baino % 7 gehiago. Horrez gain, 183.350 sarrera —aurreko urtean baino %9,7 gehiago— banatu zituen, eta, denera, 2.262.733 euroko diru bilketa egin zuen leihatiletan saldutako sarreren bidez.