Belako, Rural Zombies eta Begiz Begi ere Bilboko BBK Live jaialdian izango dira

MUSIKA. Beste zortzi talde batu dituzte aurtengo Bilboko BBK Live musika jaialdirako. Horien artean izango dira Belako bizkaitarrak, Hamen diskoa aurkezteko; Rural Zombies gipuzkoarrak, Bat diskoarekin; eta Begiz Begi lapurtarrak, Banden Lehia egitasmoko irabazle modura. Triangulo de Amor Bizarro, Hidrogenesse, Green Class, Yello Big Machine eta Nudozurdo dira jakinarazi dituzten beste bost taldeak.