Billy Woods
'Golliwog'
Diskoetxea: Backwoodz Studioz.
Aitortzen dut azken boladan free jazzeko, espiritual jazzeko eta hip-hopeko diskoak direla gehien entzuten ditudanak. Harira, Billy Woods New York hiriko rap undergroundeko izen nabarmena da, eta Backwoodz Studioz zigilu bikaina zuzentzeaz gain, ibilbide trinkoa ondu du musikari gisara, ia beti inguruko musikariekin lankidetzan. Golliwog hau Maps lanaren ondotik dator, zeina 2023ko hip-hop zerrenden gailurrean kokatu zen, eta rap kantaria traumari eta estatuak onartutako izuari mintzatu zaie, gizagabetasuneko hainbat irudi azalerarazita. Woodsen etorriarekin batera une oro hazten diren oinarriak basatiak dira, bai ahotsak bai musikak maisulan bat osatzeraino.
