Bob Dylan Baionako zezen plazan ariko da zuzenean uztailaren 20an, ostiralarekin, 21:30ean, Miarritzeko Prolymp promozio etxeak iragarri duenez. Sarrerak asteazkenean jarriko dituzte salgai promozio etxearen webgunean: www.prolymp.com.
Apirilaren 15ean hasiko du bira Bob Dylanek, eta Brasil, Argentina, Txile, Costa Rica, Mexiko eta Alemanian izango da lehenik. Euskal Herrian aritu aurretik, uztailaren 13an eta 15ean zehazki, Benicassimgo (Castello, Herrialde Katalanak) FIB jaialdian aritzekoa da. The Stone Roses eta New Order ere ariko dira jaialdi horretan.
Mundu osoko leku askotan aritua da Bob Dylan, eta Euskal Herrian kantatu izan du aurretik ere. Azkenekoz, Gasteizen, Azkena jaialdian, 2010eko ekainean.
Bob Dylan Baionako zezen plazan ariko da uztailaren 20an
Miarritzeko Prolymp promozio etxeak antolatu du jaialdia, eta asteazkenean jarriko ditu sarrerak salgai
Iruzkinak
Ez dago iruzkinik
Ordenatu
